Eze 43 | Ndebele | STEP | Wasengiyisa esangweni, isango elikhangele indlela yempumalanga .

1 Wasengiyisa esangweni, isango elikhangele indlela yempumalanga ^a. 2 Khangela-ke, inkazimulo kaNkulunkulu kaIsrayeli ^b yeza ivela ngendlela yempumalanga; lelizwi lakhe lalinjengomsindo wamanzi amanengi ^c; lomhlaba wakhanya ngenkazimulo yakhe ^d. 3 Futhi kwakunjengesimo sombono engangiwubonile ^e, njengombono engangiwubone lapho ngize ukuzachitha umuzi ^f; lemibono yayinjengombono engangiwubone ngasemfuleni iKebari ^g. Ngasengisithi mbo ngobuso bami ^h. 4 Inkazimulo yeNkosi ^{i
,} ^j yasingena endlini ngendlela yesango elikhangele indlela yempumalanga ^k. 5 UMoya wasengiphakamisa ^l, wangingenisa egumeni elingaphakathi; khangela-ke, inkazimulo yeNkosi yagcwalisa indlu ^m. 6 Ngasengimuzwa ekhuluma lami engasendlini; futhi umuntu wayemi eceleni kwami ⁿ. 7 Wasesithi kimi: Ndodana yomuntu, le yindawo yesihlalo sami sobukhosi ^o, lendawo yengaphansi yenyawo zami ^p, lapho engizahlala khona ^q phakathi kwabantwana bakoIsrayeli kuze kube phakade ^r; njalo indlu kaIsrayeli kayisayikungcolisa ^{s
,} ^t ibizo lami elingcwele ^u, bona lamakhosi abo, ngobuwule babo ^v langezidumbu zamakhosi abo endaweni zabo eziphakemeyo ^w, 8 ekumiseni kwabo umbundu wabo ^x embundwini wami ^y, lomgubazi wabo eceleni komgubazi wami ^z, kube ngumduli nje phakathi kwami labo ^aa, futhi bangcolise ibizo lami elingcwele ^{ab
,} ^ac ngamanyala abo abawenzileyo, ngakho ngibaqedile olakeni lwami. 9 Khathesi kabadedisele ubufebe babo ^ad lezidumbu zamakhosi abo ^ae khatshana lami; khona ngizahlala phakathi kwabo kuze kube phakade ^af.

Ilathi elisethempelini elitsha

10 Wena, ndodana yomuntu, tshengisa indlu yakoIsrayeli le indlu ^ag, ukuze babe lenhloni ngenxa yeziphambeko zabo ^ah; njalo kabalinganise isibonelo ^ai. 11 Uba-ke belenhloni ngakho konke abakwenzileyo, bazise isimo sendlu ^aj, lokukhangeleka kwayo ^{ak
,} ^al, lezindawo zayo zokuphuma ^am, lezindawo zayo zokungena ^an, lazo zonke izimo zayo ^ao, lazo zonke izimiso zayo, yebo zonke izimo zayo ^ap, layo yonke imilayo yayo; ukubhale phambi kwamehlo abo ^aq, ukuze bagcine isimo sayo sonke, lezimiso zayo zonke, bazenze ^ar. 12 Lo ngumlayo wendlu: Phezu kwengqonga yentaba ^as wonke umngcele wayo inhlangothi zonke ozingelezeleyo uzakuba yingcwelengcwele ^at. Khangela, lo ngumlayo wendlu.

13 Futhi lezi yizilinganiso zelathi ngezingalo ^au, ingalo iyingalo lobubanzi besandla ^av; lenkaba ibe yingalo, lobubanzi bube yingalo, lomngcele walo emphethweni walo inhlangothi zonke ^aw ube yikwelulwa okukodwa kweminwe ^ax. Njalo le izakuba ngumhlane welathi. 14 Njalo kusukela kusisekelo emhlabathini kuze kube semngceleni ophansi kube zingalo ezimbili, lobubanzi bube yingalo eyodwa; futhi kusukela emngceleni omncane kusiya emngceleni omkhulu kube zingalo ezine, lobubanzi bube yingalo. 15 Njalo iziko lelathi libe zingalo ezine, njalo kusukela eziko lelathi kusiya phezulu kube lezimpondo ezine ^ay. 16 Njalo iziko lelathi libe yizingalo ezilitshumi lambili ngobude, ezilitshumi lambili ngobubanzi, kulingana inhlangothi zozine ^az ezinhlangothini zalo zozine ^ba. 17 Umngcele ^bb ube yizingalo ezilitshumi lane ngobude, lezilitshumi lane ngobubanzi, ezinhlangothini zozine zalo ^bc; lomphetho inhlangothi zonke zalo ^bd ube yingxenye yengalo ^be, lenkaba yalo ibe yingalo inhlangothi zonke, lezinyathelo zalo zikhangele empumalanga ^bf.

18 Wasesithi kimi: Ndodana yomuntu, itsho njalo iNkosi uJehova: Lezi yizimiso zelathi ^bg, mhla bezalenza, ukuthi banikele umnikelo wokutshiswa phezu kwalo, lokuthi bafafaze igazi phezu kwalo ^bh. 19 Njalo uzanika kubapristi amaLevi ^bi abenzalo kaZadoki ^{bj
,} ^bk, abasondelayo kimi ^bl, itsho iNkosi uJehova, ukuze bangikhonze, ijongosi ithole lenkomo ^{bm
,} ^bn libe ngumnikelo wesono ^bo. 20 Uthathe okwegazi layo ^bp, ulifake ^bq ezimpondweni zozine zalo ^br, lasemagumbini omane omngcele ^bs, laphezu komphetho ozingelezeleyo ^{bt
,} ^bu. Ngokunjalo uzalihlambulula ^bv, ulenzele inhlawulo yokuthula ^bw. 21 Futhi uzathatha ijongosi lomnikelo wesono ^bx, alitshise ^by endaweni emisiweyo ^bz yendlu ngaphandle kwendawo engcwele ^ca. 22 Langosuku lwesibili uzasondeza izinyane lembuzi elingelasici libe ngumnikelo wesono; njalo bazahlambulula ilathi ^cb njengoba babelihlambulule ngejongosi. 23 Nxa usuqedile ukuhlambulula ^cc, uzasondeza ijongosi ithole lenkomo elingelasici, lenqama engelasici evela emhlanjini. 24 Ukusondeze phambi kweNkosi; njalo abapristi bazathela itshwayi phezu kwakho ^cd, bakunikele kube ngumnikelo wokutshiswa eNkosini. 25 Insuku eziyisikhombisa ^ce uzalungisa insuku zonke imbuzi yomnikelo wesono; futhi bazalungisa ijongosi ithole lenkomo, lenqama evela emhlanjini, kungelasici. 26 Insuku eziyisikhombisa ^cf bazakwenzela ilathi inhlawulo yokuthula, balihlambulule, balehlukanise. 27 Nxa seziphelile lezonsuku ^cg, kuzakuthi ngosuku lwesificaminwembili ^ch kusiya phambili ^ci, abapristi benze iminikelo yenu yokutshiswa phezu kwelathi, leminikelo yenu yokuthula ^cj; njalo ngizalemukela ^ck, itsho iNkosi uJehova.